"Na, - Du Anner´, - wat söchst Du hier denn ´rüm ?  - Hest Du nix anner´s in ´n Kopp ?  - Weest Du nix Beter´s as dütt dösige rümsörfen ? Denn hol hier man mol an ! - 
Kanns hier jo mol ´n beten Plattdüütsch lesen, oder kanns Du dat ok nich ? 
Denn kanns dat tomindst ´mol verseuken, - dat lehrt sick. - 
Dat is Di ook nich to ´n Schoden, wiel dat Plattdüütsche dütt Johr von den EU-Kommissor neben dat Hochdüütsche as tweete düütsche Amtssprook fastlegt is. -  Wie steihst Du denn woll dor ? -  Kanns nich mol Dien eegen Sprooken ! - 
Du kanns Di düsse plattdüütschen Vertellsels un Döntjes jo ook rünnerloden un dat Lesen mol euben,  dat köst´ Di nix. - 
Kanns dat jo ook rünnerloden un een´n schenken, de Plattdüütsches lesen kann. Mags villich ook een´n kenn´n,  de dat denn eenerwegens vörlesen kann. Dorför hebbt wi dütt hier afflegt,  dat de plattdüütsche Sprook wedder so ´n beten mehr ünner de Lüüd kommen deit. - 
Un denn noch wat : - Loot Di Tied bi dat Lesen un bi dat Vörlesen. - Loot allens sachen angohn,  so dat sick  jedereen in sienen Kopp ook de Biller dorto moken kann. - 
So ´ne Biller sünd jo bi jeden Minschen anners; -  mol sünd se lütter, - mol greuter, - mol grieser, - ober ok mol heller un bunter as dat hier schreeben steiht. - 
- Un wenn een so ´ne Biller nich hett,  is dat Lesen man half so scheun, - un dat Toheuern  is denn jo ook nich dat ! - 
Na, denn man rünner dormit, - un dat Du dor so ´n beten Spoß un Freid an hebben mags, - dat wünscht Di - Marta un Henry Seeland". 

Inhaltsverzeichnis